Sigurd Erlend Reksnes

Varme tanker til dere

Så er dagen her. Familie, vener og kjende skal ta ein siste avskjed med Sigurd. Eg har kjent Sigurd heilt i frå tenåra, som følgje av jobben min i Eid, og seinare Stad kommune. Sigurd vart vald inn i kommunestyret i 2003, og der sat han samanhengande i 16 år. Dei to første periodane var han medlem i teknisk utval, der eg stilte som rådmannen sin representant. Det gjorde at vi hadde eit tett og godt samarbeid, særleg dei åra han var utvalsleiar. Den gongen vart saksdokumenta sende ut i posten på papir. Sigurd var ikkje mellom dei som spretta konvolutten ved frammøte. Han utmerka seg med å vere svært godt førebudd. Han sette seg grundig inn i saker og lovverk, og var ikkje redd for å stille spørsmål ved administrasjonen sine utgreiingar. Synspunkt vart lagt fram med klar tale. Ingen trong lure på kva Sigurd meinte, ein eigenskap eg set stor pris på. Etter kvart vart kjennskap til slektskap. Vigdis møtte Asgeir, og banda til Reksnesfamilien vart sterke og gode. 2. januar 2010 fekk Sigurd sin første nevø, og eg vart mormor. Einar fekk namnet sitt etter Sigurd og Asgeir sin morfar - og kanskje litt etter min eigen bestefar som også heitte Einar. Det var stort for oss alle saman. Seinare vaks familien. Sigurd møtte Jagoda, og vart pappa til godjentene Ida og Silje, og snill onkel til Einar, Oline og Matias. Vi har hatt utallige kjekke dagar saman med Sigurd, Jagoda, Astrid og Jens. Ved familiesamkomene har det sosiale vore i fokus. Om pappa Jens prøvde å diskutere lokalpolitiske spørsmål sukka Sigurd og sa «kankje vi snakke om noke kjekt». Politikken vart utøvd i andre fora. Sigurd var ryddig og flink, og evna å setje fokus på sakene meir enn seg sjølv. Det er slike politikarar vi treng! Han imponerte oss alle når han trass i sjukdom stilte som ordførarkandidat i 2023, og gjorde eit brakval. Familien gledde seg med Sigurd. Då Matias på 8 år fekk i lekse å skrive om heimbygda si, vart historia kort og med ein tydeleg bodskap «Eg bur i Stad, og onkelen min er ordførar». Meir ville han ikkje skrive. No er ikkje Sigurd meir. Han er sårt sakna. Kvil i fred, kjære Sigurd.

Vi minnast ordførar Sigurd sitt brennande engasjement for operaen vår med stor takksemd. Varme tankar går til familien frå styret og leiinga i Opera Nordfjord

Ei siste helsing. Innbetalt til kto nr 3705 27 63232 kroner 1000._

Sigurd <3 ordføraren vår. Ei stjerne har slokna så altfor tidleg Ein ordførar folkeleg og ærleg Med stort hjerte og kloke tanker Du var kommunestyret sitt solide anker Du lytta, du tala, du stod for rett Ein politikar vi aldri vil gløyme lett. Ditt smil, din styrke, di varme hand Du bygde bruer og skapte band. Sjølv om du no har funne fred Lever ditt minne, dine ord, di gjerning med. Vi takkar deg for alt du gav Må du få kvile på rosenes hav Kondolerer til familien frå oss i Stad Venstre

Kondolerer til familien. Vi takkar for samarbeid og overfører kr. 1000 til Eid Røde Kors som minnegåve i samband med ordførar Sigurd Reksnes sin bortgang.